15th week 疑似阿女變疑似阿仔 ...

其實由星期日開始已經成日咳，呢幾日重嚴重咗，又多痰又多鼻水，都係作病咁款，總之係攰同咳到七彩啦 ，都冇乜點出街，因為老公要我o係屋企休息，同埋佢話呢排係流感同紅眼症高峰期、醫院收咗好多呢d症ah，佢驚我畀人傳染，而且天氣又鬼屎咁熱，所以叫我冇乜特別事都係少出街為妙 ......

係星期一出咗去Dr MAK度做3rd 產檢，今次見到小BB 大個咗好多、有14cm 長嘞，Dr MAK話我同小 BB個size 都好標準；至於性別方面緊係好想知啦，不過而家都係算早、未可以confirm住。上次OSCAR Dr CHEN就話 "seems like girl" ... 今次 Dr MAK同老公都睇到有好細個白影wor、又話疑似阿仔，重畀老公發現我即時肩咀添 (又唔係唔開心，不過睇中好多好靚嘅B女嘢 .... 唔知點解女仔o個d係得意d嘅，我地本身又鐘意女多d，如果阿仔我就冇得買畀你嘞、重要睇返多d男仔嘢先得ah ...)。不過佢地都話太早，可能都要等下次照structure先confirm到。小BB今次好乖，佢都仍然係好活躍，支probe一落肚佢又郁來郁 去，不過今次就郁得好醒、好似知道我地要做乜咁。醫生要度頭仔、佢個頭就轉過嚟；度全身佢又瞓返直；跟住話試吓睇性別、佢又將個pat pat轉過嚟之餘、重好似換片咁伸起兩隻腳畀我地睇；又伸晒d手指出嚟say hi 咁，睇到我地好開心ah ，連Dr MAK都讚咗小BB好多次「好醒目」ah!!! 小BB你好嘢!!!

BBQ Dinner Buffet @ The Grill, Grand Hyatt Hotel

之前老公一直想帶我去食，不過唔係落雨(o個度係outdoor所以好天先開 ... )、就 係我哋好熱氣 ，所以遲遲未成行，見兩張 free coupons 17/8就到期、又冇落雨wor，所以琴晚的起心肝專登過去 Grand Hyatt 食咗呢餐 ... 初時驚好熱氣，因為怕樣樣都係 grill，原來都唔係ga，佢d海鮮同 salad 都好多種類又新鮮，成日耐唔耐又refill d 新嘅落去，我就衰啦，唔係咁食得海鮮，真係冇口福，老公就食咗好多、食埋我個份添，我淨係偷食咗一隻大蝦、一隻蜆、同埋一碗好好味嘅龍蝦湯ja ... 佢d 龍蝦好大隻 (可能出去食都要3-400蚊隻 ... )，其他大蝦、蜆、蟹拑、青口... 全部都好新鮮，老公話除咗o係 Oyster & Wine Bar食過d好好味嘅海鮮之外，都好少再食到咁好味，因為好多酒店buffet 嘅海鮮都係麻麻哋，但係呢度質素真係幾好 ... 係好鮮味o個隻ah。我無福消受海鮮，不過就食好多salad、重有係好好味嘅燒和牛牛肉 .... OISHI!!! d和牛重好味過以前o係日本買返嚟o個d ah .... 每人每次攞一份都係得一大片，但係我有兩大片，唔知係咪個chef 見我有d大肚咁款所以畀兩片我，好開心ah ...heehee 好為食 。Ah 重有佢地嘅秘製麵包配鮮茄醬、甜品(esp. Apple Tart & Crispy Apricot Tart) 都係好好味ga ..... 總括嚟講佢嘅buffet 選擇未必係最多、但係d 材料都係好好lor ....

老公一早reserve咗最近泳池邊又靜嘅枱，夜晚又有d海風、都唔算太熱，所以呢餐有情調、又好食、又寧靜，由6點幾坐到9點先走，好耐未試過咁優柔嘞，所以我好開心，同埋好多謝老公嘅安排

好full ah，所以食完行咗去搭船過返TST，買埋生果就返屋企，好攰好眼瞓ah .... zzzzzzzz

如何走上豐盛人生路？

「教養孩童，使他走當行的道，就是到老，他也不偏離。」（箴22：6）意指我們自小便要走這條豐盛的人生路。很多研究也指出「三歲定終生」，我們要在孩子 六、七歲之前好好管教他、模造他。「教養」這詞在聖經中有另外一義，就是指將一些東西奉獻給神，這提醒我們要將孩子奉獻給神，願意神帶領孩子走人生的道 路，願意按照神的旨意教養和帶領孩子。最好的教養是由父母以身作則，用榜樣教養孩童，父母的言行舉止在不斷影響孩子。簷篤信（James Dobson）這位研究家庭問題的專家曾說：「小孩需要的是父母，而非父母買給他大堆垃圾般的禮物。」父母們要多用時間陪伴孩子，影響他，教養他走當走的 道路。亞拉伯人認為：「一個人如果有一個像洋裢的爸爸、如蒜頭的媽媽，不要期望他們能散發出馨香的氣味。」我們如何教養孩子呢？「使他走當行的道」，就是 按神予他的才幹恩賜，引導孩子善加發揮。許多父母只是按自己的意願，而沒有按照孩子的才幹恩賜去誘導他。另者，走路的不是父母，而是孩子，故我們須裝備孩 子的生命和性格，建立他們屬靈生命，讓他走上一條豐盛、自由的道路。當我們能這樣教導孩子時，他「到老也不偏離」，這條路也是耶穌降世為人所賜予人的道路 ──「我來了，是叫人得生命，並且得的更豐盛。」耶穌是道路，祂是我們人生道路的引路者，祂以真理為我們走路的規範，使我們得真正的自由。

兩日Baby Expo 戰利品...

9/8終於去咗Expo，好多人ah，好似Vally講嘅一樣！好多人推住架BB車好似大晒咁，乜都唔理、Vally咁大個肚嘅都唔理、亂推亂撞淨係顧住埋d booth度買嘢，真係好似唔駛$$ 咁 ....o個d人宜家有仔女，其實佢地都做過孕婦ga .... 但點解佢地好似唔明白亦都唔記得晒咁，個B生咗出嚟就唔駛理人地嘅??? 好自私lor ......

琴 日收穫都好豐富，首推最抵買係「思詩樂」嘅全線產品，全線都勁減，特別係d純乾棉，平日貴d又得120 pcs、Expo只賣 $20但一包有140 pcs，d人都係幾箱咁訂ga，我哋諗住都會買ga la、又好用、連我自己都用得，所以都買咗4袋；另外我地又買咗8盒濕棉($20一盒ja)、Total Hair & Body Foam (好方便，一pump出嚟就係好多泡泡，又唔駛再過水，同埋佢係冇香料冇色素，係低敏感geh ....)、重有紗巾 ($20/一包5條，d質料好好，好抵ah ...)、BB專用綿花棒；sales 另外重送咗兩包 40 pcs 裝乾棉同好多包純乾棉/濕棉samples， 所有嘢買咗三百幾蚊ja，好開心!! (想再買多d ga，不過怕冇位放所以都係到此為止 ....) 跟住重去Medela 買埋電奶泵/奶袋，最開心係竟然o係度見到Baby Outlet 擺檔，因為我本來都諗住去Mongkok 店度買 Slinglings，係BB 揹巾，好型好方便又安全，唔駛好似其他揹帶咁扣來扣去 / 左搭右搭， 只係好似條Miss HK彩帶咁、一揹上膊頭就ok，見過好多人都話好又唔會腰骨痛，所以決定買 .... 老闆娘好好，教我用不特止、重教我breast-feed 嘅technique同最佳時間，佢遲d o係HKCC有breast-feed 講座，佢叫我去之餘，我話佢知我o係HKCC做過，就猛問我book場 d資料，好攪笑ah 。Slinglings有分size ga，係base on我嘅身高同體重，老闆娘話如果我生完瘦返個size 唔啱用，只要冇洗過、佢可以畀我攞返去佢鋪頭換size 添 ..... 同埋Expo呢度比佢鋪頭賣重平，好抵ah .....

琴晚行完落咗wanchai 住家菜食埋飯先走，撞返TST鋪個哥哥，好有親切感、連服務都好d ah .... 第一日Baby Expo Tour就此完結。

(好精神咁出發la......)
(第一日戰利品 ......)

今朝崇拜之後見到希氏同Jump氏，所以我哋一齊去景逸軒飲茶。本來都想過去希氏會所睇Hayley參加爬行大賽、然後一 齊再去Expo買嘢，可惜希ba臨時有嘢做要夜d先去到，所以我地就自己去先，然後再會合Vally。我哋兩個都去第二次Expo因為大家都重有嘢想買、橫掂平d就 買埋唔駛煩。

今日去主要係想買埋個電蒸氣消毒煲，因為今早問咗泥ma & 希ma邊隻牌子好，佢哋用開NUK & AVENT 都幾好、同埋最緊要係放到BFreePlus嘅肥奶樽；而Vally同好多人都係買咗NUK sterilizer話ok，咁又見Expo平咗百幾蚊同護協一樣價錢，所以Vally都叫我哋買咗先；然後去思詩樂買多兩包紗巾同2合1潔淨泡沫、又係 送咗包40 pcs 裝乾棉同幾包純乾/濕棉samples； 最後去埋Tommee Tippee 買Bottle & Food Warmer，有折之餘重貪佢個size比其他牌子大d、連其他所有牌子奶樽同埋 Baby Food都可以放到落去加熱，，後來連Vally都買埋一份添 .... 買完頂唔住、行咗兩日實在太攰.....隻腳好似唔係自己咁樣，所以我地都係走先，等Vally同佢個friend繼續行。(其實我同Vally都諗住一 齊去買定一至兩權日本奶粉，一來今次Re-on個booth可以散買又平d，二來係好多有過經驗geh人同老公都話起碼要買定一權旁身，以防唔夠 / 冇人奶時唔駛咁 "le hea"，老公佢哋實在見得太多失敗例子，身邊亦有好多朋友都試過咁，就係原本好想好想Breast-feed，但有時壓力太大、愈想餵、愈緊張就愈冇， 原來竟然係有8成人係想餵而最後餵唔到 / 唔夠奶ga，所以我哋呢d well-planned 嘅總唔會坐食山崩，就算plan好咗要 breast-feed 都要買定一權旁身、又買定breast pump以備不時之需，唔通有乜事等阿B捱餓咩 ..... 到時先諗就遲嘞；加上Vally又好快要返學教書就更加要好好plan定啦。不過我真係頂唔順咁多人，最後先冇一齊買ja ...)

本來真係諗住返屋企，後來行去坐船、因為想去埋Ocean Terminal食嘢同買嘢，因為今朝希ma借咗MotherCare張VIP card畀我，所以都係去買埋 Pooh Pooh Changing Mat (連埋條毛巾ga...好靚)，好彩今日去埋ja，因為Pooh Pooh款竟然賣到淨返三張 (前幾日去都重有好多張...)，我都唔客氣即時"立"走兩張先、幫埋Vally買ar ma，同埋呢間鋪做緊Renovation Sale，其他d嘢都有7-9折，不過都冇乜心機睇，後來都係買多一張Grobag Swaddling Blanket就走嘞 ....

(第二日戰利品 ......)

呢兩日除咗買咗好多嘢，另外嘅收穫係收到好多好多samples，尿片、奶粉、stretchmark cream、bibs、bath lotion、牙膏牙刷、英語光碟、書、環保袋 ....etc.，好多好多嘢 .... ah 重有好多廢紙ah

重有係Vally好犀利，老公同我又忍唔住讚佢，佢真係好fit好標準、只係得個39"嘅肚肚，手腳面同前兩個月見佢一樣冇肥冇腫過又皮膚滑滑，好羨慕ah

(買 好多嘢係好開心，但係超級攰 ..... "謝"晒，"jit"都笑唔出 ....不過好多謝老公呢兩日好辛勞咁幫我攞咁多嘢 ... Thx!! ... 不過每逢呢d時候我地就好掛住架車 .... 有架車真係去邊買乜買幾多都冇問題啦 .... 又心郁郁嘞 ... )

琴晚冇咁大雨老公就叫我出去行吓街同食飯 .... 最終都係忍唔住要去 TONKICHI 食最愛炸豬扒飯。本來都係打定輸數冇得食，因為 advanced booking一早full 晒，但係侍應姐姐話通常 1830前去到都會有枱嘅。我哋都係搏一搏，不過去到已經 1850 咁滯，我話唔去、但又唔知想食乜，所以老公都係帶住我去睇一睇有冇位先算 .... 其實我出到 TST已經係好攰同好肚餓，好驚自己支持唔住。去到都好多人等緊ah，不過我哋係非常感恩ah 竟然我哋唔駛等位可以即刻有得入，我都唔知發生乜事，因為係老公行落去攞位先，我就糊里糊塗入埋去。原來o係出面等緊嘅個個都係未齊人，咁我同老公兩個人齊咗就可以即刻入，重係畀張大嘅四人枱我哋坐，對於攰攰又餓餓嘅我嚟講實在無比幸福，hee 可能天父知我呢個大肚婆唔餓得又唔捱得所以咁恩待我 ..... Many thx!!! 最後order 咗老公喜愛嘅炸豬扒飯 +兩隻炸帶子、我最愛嘅炸豬柳飯 (不過炸帶子同豬肉湯好似世貿o個邊整得好味d ah ..... ) ..... anyway, 呢一餐真係好滿足ah .....

之 後去咗 Ocean Terminal 行吓又睇吓BB嘢，因為上次希ma同我睇嘅嘢、老公都未睇過，所以同佢匯報吓有邊d好嘢要買。原來 Vally 同我一樣睇中MotherCare 個 Classic Pooh Pooh Changing Mat，係最靚嘅一款嚟 (其實粉紅/粉藍 dot dot都靚，不過好似冇貨)，佢想托我買埋，等我今個星期日快d去買先，唔係Vally 就快生我驚買唔切 ... 同埋最驚係斷貨ah .... 另外去睇 Samsonite 個 mami bag冇晒黑色添，真係短短幾日就斷貨，激屎人 .... 得返 Tsuen Wan / Tsuen KWan O shops兩個黑色 display，都唔知點，睇吓有冇時間先再去Tsuen Wan 睇啦 .....

Vally又講咗個消息我知、就係阿Victor太 Janice只係 45 mins就生咗嘞，我哋兩個都好羨慕佢ah，呢個真係天父最大嘅blessing ah .... 估唔到肥虎太嘅個幾鐘紀錄又畀另一個朋友打破咗 loo ..... 勁!!! (其實之前我睇有篇訪問個mom係15 mins就生咗la，好犀利 .... hee 不過老公話驚太快佢會趕唔切嚟睇BB出世同剪臍帶ah )

琴 晚行出MotherCare 冇幾遠我差d成個人向後跣低咗，好得老公即刻捉住我ja，真係嚇餐飽，唔止我驚、係老公都畀我嚇到屎ah..... 都唔知邊d衰人冇公得心，唔知係漏口食到成地嘢、定係掉垃圾都掉得衰，就o係垃圾桶對開成撻薯蓉同d白汁嘅cream 狀物體o係地下，都唔係細撻o個隻，重要d顏色同d地磚一樣色，所以一唔為意根本就睇唔到 .... o個度好近 Pizza Hut，你慌唔係d人食外賣食到咁咩，總之就靠害啦，重要o個層咁多小朋友同孕婦行經，唔該d人就唔好咁缺德、同埋唔該九倉揾多d人定時清潔吓啦 .....

今 晚本來有查經ga，不過老公又 on call 嘞，佢叫我唔好自己一個返，一來琴晚嚇一嚇佢、佢又驚我輪盡，夜晚晚自己行有乜事都冇人take care 我，二來又落雨，同埋次次團契完咗我哋都係坐taxi走嘅，不過o個邊紅磡站，次次走個時間都撞啱d直通火車到港，好多人、特別係d "Da Lu" ah，你知好多"Da Lu"都冇乜品又成日推推撞撞、打尖ah，所以老公咪叫我自己唔好返去lor ....

運動細胞 ......

琴晚去咗 LCK o個間 Yoga Studio 上Pre-Natal Yoga class，初時都戰戰兢兢咁，未去過o個度又未試過 Yoga ma .... 老公同我因為太攰，3pm先瞓到5pm，然後執拾細軟後佢先坐 taxi 陪我去麗新o個邊、佢就再出去 TST ... 佢幫我攞部 printer返 HP整、又去 Citysuper & Backenheim買我最鐘意食嘅包包，最後再返嚟 studio樓下接我放學、再一齊去新星食埋晚飯先返屋企。

講返個Pre-Natal Yoga class，我覺得真係幾好，唔怪得d書同醫生都話做孕婦瑜伽同游水都對孕婦同生BB好。我知有d"極保守及傳統"christian又話瑜伽好多拜偶像posture又點點點 .... 其實Pre-Natal Yoga都主要係一d教孕婦正確呼吸、stretch、同埋鍛鍊肌肉嘅動作，而且播嘅都係好似去泰國做SPA d音樂或者純音樂，根本都唔牽涉d乜嘢拜偶像嘅嘢，同埋都睇自己心態jeh，我一路做一路諗住神嘅，根本已經唔係d人講o個回事啦，最重要係佢對身體有益處、又可以加快孕婦生產過程就得嘞 ....

我以前都做開gym，估唔到停咗4年幾5年冇做gym、今 次一做返運動，我d運動細胞又走返晒出嚟，而且我以前都跟過PT玩，好多玩FitBall 同stretching動作我都有做過，所以 Billie 老師都話我第一次嚟上堂都做得幾好同正確。初時冇諗過可以玩埋FitBall，除咗好玩之外，係佢嘅彈性好幫到孕婦舒緩因為個肚大咗、又畀BB壓住o個種 痛楚，同埋又可以train d muscles、幫助擴張盆骨、子宮收縮及縮短產程，等BB快d出到嚟 .... 另外有一個瞓o係FitBall上嘅伸展動作重可以舒緩腰骨痛同幫助拉鬆吓d肚皮、以防生仔時爆肚紋冇爆得 咁勁 ....聽落好似好高難度，但同班有d成7-8個月好大個肚嘅都做到，重好嘆咁瞓咗o係度，舒服到屎ah。跟住都係non-stop咁做d伸展同yoga 動作，又係全部都好有用，因為可以解決腰痛、盆骨痛、腳水腫、腳抽筋等問題，有d又可以降血壓同增強心肺功能，所以老師叫我哋每日o係屋企都要起碼做十次 d動作，咁樣就可以防止有上述問題、就算出現咗都可以自己幫到自己減輕痛楚。

我自己做完都覺得好舒服ah，老公一見到我就話我成個人都精 神咗好多，我做咗成粒鐘都唔覺得攰、反而覺得充滿power 咁，我都唔識點講o個種感覺 ... 同埋我一向條尾龍骨有d痛 (通常瞓平就會易痛d ...)，但係琴日做一組舒緩腰痛動作時，開頭又係有d d痛同扯住，但一路做就冇再痛、重好似拉鬆返d肌肉咁，直到今朝瞓醒我都冇再痛過嘞 ..... 我諗我已經愛上咗呢個運動la ... heee

最吸引我係Billie老師話佢以前d學生o係生之前有做開 Pre-Natal Yoga嘅、全部都係痛大約 2hrs就生咗個B出嚟，佢自己以前未學Yoga但做開其他運動都係痛 3hrs，我都諗係咪咁勁，係又真係唔錯，因為老公成日話佗BB同好快咁生得出個BB係最大嘅 blessing。原來老師佢都唔係講笑ga，琴晚同班原來有d係今次佗第二胎嘞，佢哋話第一胎嚟學咗Pre-natal Yoga後，佢哋平均只係用咗 1.5 - 2 hrs 就生到個BB嘞，因為盆骨韌帶都鍛鍊得好、加埋佢教嘅胸式 / 單田式 / 膊式呼叫 (要配合陣痛唔同階段用 ....)，所以好快就生到個BB出嚟嘞。 我都好期待ah，加上做開運動產後復原同修身都會快好多，所以老公都好支持我、叫我畀心機d去學同o係屋企做多d，我直情想買個FitBall擺o係屋企玩添ah，不過就驚好"ah"位lor；最開心係我買咗好耐嘅瑜伽蓆終於有用武之地、唔駛一路擺o係度等發霉

我 同老公都話今次係一個正確選擇，冇join Pure Yoga都係明智之舉，因為Billie 老師呢度宜家都係$80 一堂ja ($450/5堂；$800/10堂)，重係我鐘意 Mon / Sat 去上堂又得、一個星期去晒兩堂又得，唔上堂又唔駛請假、我每次去自己o係點名紙tick 返一格先計一堂，所以好flexible。原本驚行好遠，但我發現昇仔對面有6C、坐兩個站就去到 studio隔離街口，所以實在太方便我嘞 ...... o個度係d比較新嘅工商大廈，環境都ok，個studio都有成千幾呎、比我想像中大，同埋大廈d人都放晒工、唔算好雜同好迫，所以我同老公都覺得幾好 ....

mmm 我好期待快d到星期六ah，因為d運動癮一起咗就好想keep住做 .... 同埋真係幾好玩呢

Dinner with Hay's Family ....

今 日老公on call，希氏就約咗我一齊食晚飯，去咗 Harbour City食，之後重一齊去 Ralph Lauren / Mothercare / BeBeDream睇 BB 用品添。

今晚我終於買咗第一份禮物送畀BB，因為見希ma o係 RL揀嘢揀得好開心，我又見d new born嘢幾得意，雖然未知龍 / 鳳，不過我都忍唔住揀咗份好中性嘅禮物畀BB ，男女都合用 .... 小BB希望你鐘意

• 
  

  (裡面有"long long"嘅毛巾 Bear Bear ... 毛巾對BB好d，冇咁易敏感ah；重有一set帽仔、襪仔加bib ... 白色 .... 好似BB咁pure ... 我鐘意)

OSCAR @ PWH

OK 一切正常，result 亦都係低危，總算放下心頭大石 .... 因為我前後嘅人都係高危ah，nurse重叫佢哋去大廳睇講解抽絨毛/羊水嘅 video、聽nurse分析報告又好耐 / 一係叫遲d入去聽，所以攪到好緊張咁，雖然個結果出嚟係高/低危其實都唔係 absolute 嘅，不過1st stage緊係低好過高啦 ..... 好得nurse 叫我我入咗去聽result 先，叫高危個d稍等，咁我就知自己應該ok ... 可以好快走得嘞

本來我 係3pm，suppose 5pm或之前可以攞埋result走，不過等照ultrasound 時個阿姐攪錯咗牌板個次序，竟然畀遲過我抽血嘅人入去，sigh 我同老公已經o係房外等咗超過 30 mins 有多 (就係我之前個高危人照咗好耐好耐 .... )，我地已經好眼瞓，同埋o個度好凍ah ... 凍到老公都叫凍wor!!! 跟住都係覺得唔對路，老公又係時候發揮佢嘅影響力、一見個阿姐出嚟就同佢講返，個阿姐初時竟然話佢係跟抽血房o個邊個list畀我地入去照、重問我地「咁 你地想點吖??」，幾串ah (vally都係話PWH d阿姐同nurse好鬼串 .... 不過呢邊係醫學院範圍已經叫好少少 ....)，佢真係唔好當我傻同好"蝦"wor，我地好認真同佢講我係先過個女人抽血，個priority 係應該畀我先、我亦都等得耐過個女人好多。老公緊係又揭露身份啦，同埋同阿姐講「我唔打人尖、但係亦都唔想你畀人打我地尖 ...」，個阿姐先話幫我過抽血房check返 ... check 完過嚟知自己衰咗啦、話真係攪亂咗次序 (聲氣都唔同晒 ... 知衰啦嗎 ...)，原本阿 Dr CHEN o係 RM.12幫個打尖女人照緊，後來即刻叫另一個醫生幫我地o係 RM.15 照住先，照咗幾個字之後 Dr CHEN再過嚟幫我重新照。照o個時開頭一直有 contraction 呀，可能有d緊張、坐taxi時個司機又好似飛車咁已經驚咗好耐，不過最大原因都係o個度真係凍到痴線、凍到震ah ..... 後來Dr CHEN又同我講吓笑，加上又見到BB好得意，之後 contraction情況就好咗好多同少咗。其實都有著數，因為聽Dr CHEN講話RM. 15部機係更新型號同埋更清楚，所以今次無啦啦過咗嚟都唔係壞事 ....

BB好活潑好得意，係老公同兩個醫生都話佢d動作快得好緊要，追唔切，最初 BB兩隻手仔好似祈禱咁、合埋放o係心口上面，Dr CHEN放支 probe上去郁吓、"gum" 吓時、佢兩隻手仔又即刻 Y-型咁托起支 probe，又成日周身郁wor，好攪笑，見到佢鼻骨、兩隻手仔嘅手指同兩隻腳仔d腳指都好清楚睇到，好得意ah 。 不過老公同醫生都話因為BB郁得好快 (佢地話唔係個個都會咁快，我地有d擔心第日佢好反斗同埋胎動會好勁 .... 唔知係咪咁我成日都好攰呢 ...)，所以個頸皮數字都係好rough、叫我唔駛太介意，但其實都唔係厚、好標準，佢地都係同我講定一聲jeh。全程最開心係聽到Dr CHEN講 「Seems like GIRL!!!! 」，heehee 雖然宜家都唔係100%係準確，不過聽到有機會係女都已經好開心，因為老公宜家成日同我講佢咁活潑似係仔ar ma ..... 其實老公係唔想我失望，所以成日幫我做心理調整及準備，以防萬一係仔我都唔會好失望。都係o個句啦，健康快樂就ok 嘞，仔女都會好開心、會一樣咁錫佢 (不過由心而發嘅就緊係 baby GIRL 啦!!! )

想 講PWH OSCAR dept. 個nurse好專業好好人、Dr CHEN又好好，一如 Vally同d網友所講，o係CU呢度做OSCAR checking真係認真同詳細好多，畢竟都係佢地研究發現呢個screening test 出嚟ga ma、羊毛出在羊身上，就算遠d 嚟呢度都係值得 ..... 臨走Dr CHEN重畀返 5 張 ultrasound pix 我地，見到BB手腳同大頭樣ga，所以好開心

之 後去咗 Festival Walk 買嘢同食晚飯 (去Queen's ah，因為皇府要等位；我以前都鐘意食Queen's ga，不過近呢兩次去我都唔鐘意食，食到好似誓願咁，真係變晒嘞 .... )，好攰ah，一路食一路"hup"眼瞓，之後去埋supermarket入貨就即閃嘞 ...好需要瞓覺ah .... zzzzzzzz