心晴集

2010年9月28日星期二

失落 .... 得著 .....

失落 ....

雋媽favourite ------ 1013 郎朗 Piano Recital & 1031 James Galway Flute Recital ... both @CH, HKCC

兩個musicians都係雋媽至愛，亦都難得又嚟香港 ..... 對上一次聽(又應該係話可以買到飛 @@)都係幾年前嘞 .....

特別係"金笛子"James Galway，今年七十有一嘞，下次都唔知幾時嚟 .... 又或者咁老仲嚟唔嚟 ....

咁就要睇CP Section d同事點攪嘞 ......

兩埸都買唔到tix，一場早已full，要等當日wheelchair位?? 仲有3個，不過冇可能要雋媽去等囉 ... 亦都會好多人等 ....

另一場，同事Marina幫雋媽check到仲有7張tix，可惜都係最貴tix兼係"士多"最後一行，唔係好想 .....

上星期，Marina好好，知雋媽鐘意郎朗，一路幫我留意有冇tix 放返出嚟，出奇地咁早有兩張放咗o係HKCC Box Office寄買，仲話可以幫我買咗先，不過會同雋媽睇嘅花子契媽商議一輪後，因為係choir stall C24-25，正中背台，連pianist對手都睇唔到，睇piano recital仲要呢d勁artist最好緊係要留意人哋對手點彈啦 ..... 雋媽又唔想勉強花子陪自己去，所以又要作罷 ....

雋爸可以去，不過雋雋呢?? 聽完最快都要10點幾11點先可以返歸，唔見阿媽雋雋已預期會大喊十唔肯瞓，如果連阿爸都唔見影、只留低畀雋婆同姐姐照顧，我估返嚟o個晚雋爸媽都唔會有覺好瞓同會發惡夢囉 ....

喜歡嘅musicians .... 喜歡嘅repertoire ..... 雋媽期待冇幾耐之後可以再遇到你哋，更希望4年半後雋雋夠歲數又夠乖巧嘅，可以拖埋佢入場一齊聽 ..... ^^

得著 .....

要多謝JenJen，可能天父知雋媽對耳好dry，好想聽音樂會好耐好耐 (最近一次正經聽，係大肚9個幾月個陣呀 .... 離晒譜!!!!!!!!!)，失落兩場勁show之後，JenJen竟然通知我Watoto又嚟香港，有幾場仲係免費concert .... 當然同佢攞同一場啦，大人同小朋友都可以有伴嗎 ....

http://www.watoto.hk/

估唔到，係1031、1700-1830，更估唔到，係o係恩福演出，更估唔到，花子話 Yanfook Children Choir可能會一齊表演 .....

不本想聽James Galway嘅日子、更好嘅時間、自己嘅母會 (不過已經陌生咗好多 ....)、曾經教過又幫過自己嘅兒童詩班、同好多將會再見嘅熟悉面孔 ..... oh .... 好多偶然??

最重要係一場令人開心、窩心又感動嘅嘅音樂會，上次嚟香港雋媽冇tix聽，之後多數都係睇video，見到呢班烏干達愛滋病遺孤，唔覺得佢哋可憐，只會見到佢哋面上滿載笑容同喜樂，係屬神嘅喜樂，好開心、好活潑、好可愛 .....

希望雋雋會鐘意、亦從中感受到班小朋友嘅喜樂、又更喜歡音樂 ^^

今年中秋前後HKCC Piazza A-B有好多好大好靚又懷舊嘅燈籠，雋雋好鐘意，全程佢都猛話lantern lantern 又追住天上面個月亮嚟望，佢好開心呀 .... 不過可惜冇帶單反機，d相影到好黑呀 .....

2010年9月27日星期一

立立雜 .....

終於都的起心肝出去金魚街d單車鋪度買咗呢個單車鎖，為嘅係將來去米老鼠樂園玩 ....

自從5月新聞話樂園內連續發生多宗BB車失竊案之後，雋雋已經好耐冇入樂園玩，見親我哋去得最多都係入Enchanted Garden食嘢同埋o係酒店內玩 .... 唔係講笑，好多人唔見咗BB車，連樂園自己d BB車都畀人爆走埋 ....

要知道，呢度唔係日本，o係日本米老鼠樂園，個個連奶粉袋同d shopping完之後戰利品都可以好安心咁放o係車度，唔駛跟身，亦唔怕畀人偷，根本個個都好自律，而且d職員都會留意吓 ....

雋雋有兩架BB車，都係0/3 Baby嘅好嘢，一架PlikoSwitch香港常用，Danny當年畀咗個友情價都5字頭到尾，另一架Si出trip用，節咗都要兩隻金牛，雋爸媽基本上都唔會捨得咁樣畀d"da lu"爆走雋雋兩架車，唔見咗真係好肉痛!!!

入到鋪，老闆一d都唔意外，未開口講已經問：「係咪去迪士尼用呀??」、「呢隻啦，貴十幾蚊，不過穩陣d、多人用過都話ok ...」、「用咗好d，起碼d賊見你有個單車鎖有難度，偷都偷第二架，唔會攞埋d工具出嚟爆鎖咁蠢啦 ....」 See!!! 唔係淨係雋爸媽咁膽小，真係好多爸爸媽媽早過我哋咁做ga .....

$58 買個安心，我哋好樂意，同埋個annual pass唔駛再發霉囉 ...... ^^

又的起第二個心肝，買埋佢 ...... 攝影師友好Boogie嘅推介 .... 由雋媽影大肚寫真當日起，都推咗成年幾嘞 ... ^^

For layman，其實真係好夠用，日本做，一樣very good!!!

雋爸媽係唔會好似其他傻人咁，都唔知handle得好部機未，就走去大灑金錢買d超級貴鏡頭，同埋我哋窮呀，買唔起幾皮一支鏡囉 .... hahahahaha ^o^

講真，影相呢一門學問，除非你用部機揾食，有時影得好唔好唔係單憑部機、支鏡頭同埋技術，都要有觸覺同埋講構圖，Vally 都警告過一玩單反機會上癮，所以都係唔好亂出血住 ..... 我唔想死住 :P

雋媽有近距大光圈、長距變焦鏡、跟450D基本鏡頭，係差支中距鏡，攪到成日要部勁勁傻瓜機幫手 ..... 想要大光圈，去Broadway揾輝哥 / 阿文買，都係異口同聲話，Canon o個支要成皮幾兩皮，好唔抵!!! 而且好多專業攝影師都有用TAMRON，三隻金牛有找，中距大光圈，超級抵玩至極!!! 影出嚟，一樣好靚呀 ^^ .....

遲咗多謝小師妹兼HKCC舊同事Emily，佢去澳洲working tour都大半年，見佢開心雋媽都開心，係另一種體驗，如果唔係有大又有細，可能都會飛咗去，還我當年畀人阻止出國讀書嘅夢 ....

佢去到當地都不忙幫雋媽搜羅d好嘢畀雋雋，先揾到呢對全白Nike Air Force ..... 返學著，型呀!!!

再嚟一對Nike Air Pump ....

原本想買Nike 全白Forrest Gump Flat Pump畀佢第時返學，因為cute同埋係magie tapes .... 不過冇 ....

不過買到呢兩對都好開心，平過香港好多，而且香港都好似冇 .... 最重要，Emily幫雋媽慳咗好多好多shipping，因為佢托朋友帶返嚟畀我 ..... 所以many thanks!!!!!!!!! 錫晒你!!!

好大對呀，可能過一兩年先著到，到時返嚟香港你就可以見到嘞 ..... ^^ Take care!!!

2010年9月19日星期日

Abraham's Happy 2nd Birthday Party .....

多謝啤宅邀請雋雋一家出席一一兩歲生日會 ....

@星星音樂天地 .....

沿途o係吐露港公路巧遇啤生架車 .... 係全靠+0 o係車上狂揮手引起雋媽注意，所以o係大埔失去晒方向感嘅雋爸有救星，後段跟實啤生，安全又快捷到達目的地 ^^ ....

我哋，應該係第一家客人到，係唔係?? ^^

不過有人扭眼瞓，早到就早早攪攪震 ....

一個喊、兩個喊、三個阿B一齊喊，喊都好，+0派餅，益晒雋雋，又攞人哋壽星一一d餅食囉 ....

一到場，雋雋想錫錫一一，雋媽o係屋企已經教到佢識講：一一哥哥 .... Happy Birthday ..... 不過一一初時未warm up，唔畀雋雋錫，咁雋雋乜都唔記得講 .... hahaha ^^

一齊食餅，好咗d，一婆叫雋雋再錫一一，今次ok，不過難為了一一 ..... kakaka ..... ^o^

朗哥幫我哋影嘅，好okay!! 叻仔!!! 對上一次幫我哋影相，仲係一個小朗B，就係JenJen大婚之日 .....

仲同雋媽玩反拍 .... 激c .....

朗B真係高咗好多，拿拿拿 .... 雋雋接近90cm .... 過咗雋媽一半身高，你可以比較到 ..... 但我想講，朗B只係P1 Boy 咋!!! Oh NO!!! 拍埋雋媽度過心口咁滯 .... 好高呀!!!!!!!!!

雋雋第時會唔會都咁高ga??? @@

雋雋全場最鐘意玩係乜?? 就係muimui，JenJen 6299隻狗仔 .... 係咁追住佢，仲想一手捉住muimui，佢想c呀 haha .....

不過估唔到佢咁鐘意又唔驚 .....

由內玩狗玩到外 ....

靚靚Toy Story Wall Banner ....

靚靚又好味Woody Birthday Cake .....

又想玩一一個終極Anpanman大玩具 .... 其實大人見到都嘩嘩聲，希望可以快d去啤宅玩 .... 雋雋有Anpanman火車坐一定開心好多日 ^^ ......

但係條長長路軌係唔係要鋪o係你出面花園先玩到呢??

又攪人頂Birthday hat .....

He said peekaboo ..... wor .....

多謝啤宅回禮cupcakes，仲有susan媽媽用心幫一一整嘅相，好靚 .... thx!

仲要多謝啤太幫我o係US訂返嚟嘅Thermos Mcqueen & Kitty Funtainer bottles，而且幫我哋攤分埋shipping，超級抵，免我畀個飛媽呃$$$，thx alot ^^!!!!!!!!

2010年9月11日星期六

雋雋愛Painting ....

9月4 日，新一個term Anfield playgroup又正式開鑼，今期只返星期六，因為星期三預咗畀雋雋返Kids Gallery ArtPlay，費事咁奔波，一個星期返兩日playgroup暫時對佢同雋媽嚟講都好夠 ...

今次老師係Teacher Seema ....

新一堂，第一個artwork，不過由於油彩未乾，加上雋雋上的士瞓咗，所以落車時雋媽一邊抱雋雋、一邊要"咩"個大袋、又要照顧呢個artwork，手忙腳亂，不慎將個咀同鼻整"化"咗，very sorry @@ ....

都唔止，媽媽個Marc Jacobs都染晒紅色 .... sob sob sob .... 好得o係兩邊帶，抹完都唔係太起眼 ....

雋雋返playgroup最愛玩車、snack time ... 另外就係painting或者做artwork，係可以令原本好癲、又要扭玩車、扭眼瞓嘅雋雋安靜落嚟，又可以坐定定好耐 ....

閒時雋媽都愛陪佢畫吓畫 .... 儘管佢宜家都係似塗鴉為多 ^^ ....

興趣係培養出嚟，難得佢又鐘意，雋媽小時候都唔知幾想可以學畫畫，不過最後雋公只畀雋媽學鋼琴 .... 如果雋雋將來都鐘意，雋媽一定無條件支持佢 ^^ ....

基本上應該識又common嘅顏色、仲有金銀銅violet，中 + 英文名雋雋都認得晒又講到出嚟 .... 佢自細已經對顏色同d名特別有興趣 ....

最喜歡 .... 媽媽嘅心水顏色，PURPLE!!! 有品味 ^^ .....

前幾日家中painting之作 .... 其實只係畀咗紅、黃、藍三隻色，雋雋最鐘意亂溝一通 ..... 畫完之後雋雋話係"rainbow" ^^ .... lovely! 不過玩到o燧書展買嘅paint brush都爛埋 :P ....

又話要再畫，畀其他色佢，油多幾油又開始坐唔定 .... 係時間要玩其他嘢 ^^

9月8日，ArtPlay 第一堂，陌生環境，雋雋初時唔係好習慣，佢都係鐘意Anfield多d .... 不過雋媽都唔慣，一來得四個同學 + 四個媽媽/姐姐，兩個係闊太阿媽(仲係朋友、自成一閣)、另一個係菲姐姐，全部都傾唔埋冷 .... :P ....不過teacher Annie & Patsy都好好囉 ^^

雋雋愛painting，好專心，坐定定唔駛雋媽操心，不過有時都有麻煩嘢，就係因為雋婆呀、雋爸呀成日郁d又話佢呢度dirty、o個度dirty，攪到佢細細個已經有時有d潔癖，今堂ArtPlay要用手去畫，仲係一大撻gel paint咁畫落大咭紙度，雋雋一見到已經依嘩鬼叫，又話dirty、又話go down(要離開張枱呀 ...)、 go home、又叫wash hands ，喊咁口，不過係深藍色可能太恐怖嚇親佢，用銀 / 金色gel又好d喎 .... 其實雋媽都落手陪佢一齊，猛話ok唔dirty，不過用d時間啦，用brush就ok，希望佢下一堂會好d .... 加油!!!

作品，應該要四堂先可以完成，係一個海洋世界，好期待!!! ^^

為咗要訓練呢個囝唔好咁怕dirty，要學會對手係可以用嚟畫畫、messy ... but there's so much fun!!! 所以，雋媽又o係屋企開個壇畀佢painting，是日用手指同手掌畫，唔畀用brush ....

初時都有猶豫，不過有媽媽陪，加上猛話好玩，雋雋後來都一齊玩，仲玩得好開心 ...

orange + favourite purple，出奇地夾，呢幅係雋雋 + 雋媽hand prints + finger prints 之作，鐘意!!!

花子契媽，係係artist，畫畫又靚，得閒過嚟教吓雋雋同雋媽啦，等雋媽平時又可以多樣嘢教佢、又可以陶冶性情呀 ....

2010年9月4日星期六

雋雋の第一次 - weewee篇

繼日前第一次O係POTTY POO POO，今早佢又好似想作去 .... 不過唔知大定細，問雋雋要唔要POTTY，佢又話YES，又畀佢試，問佢係唔係POOPOO，又答YES，仲谷咗一陣，不過最後交出嚟嘅係..... WEEWEE :P

暫時嚟講，都係唔刻意要佢戒，佢戒到就戒，佢有需要又畀佢試，總之唔畀壓力佢啦，至少呢兩次成功之後佢又好似幾開心，有成功感真係好緊要呀 ...

2010年9月3日星期五

Thank you MaMA ...

成日都教雋雋要講THANK YOU，無論任何人幫佢或者佢有求於人之後 .... 有求於人之前就要講PLEASE .... 都係好正常姐 ....

其實佢都識嘞，不過有時掛住玩，見到好味食物又掛住食，真係連阿媽都唔記得 .... 所以成日都要提吓佢 ....

今晚幫佢沖涼後，雋雋準備出去著衫之際 ..... 佢自己講 "THANK YOU MAMA! "

今次冇人提佢，係第一次媽媽幫佢沖涼後咁講，開心到暈 .... ^^

都話個個媽媽都係易滿足又易被小朋友做嘅嘢、講嘅嘢感動 ....

今次又有排可以開心嘞，SO SWEET! 期待你下一次又同媽媽講 .... 又係要自己講，唔係人哋提你GA ^^

2010年9月1日星期三

雋雋の第一次 - poopoo篇 ...

冇特別想立即要雋雋學戒尿片，雖然佢有時識講，不過始終唔係次次中 ...

想兩歲開始，不過到時正值冬天，所以又未必適合 ....

都係隨遇而安、又隨機應變啦 ..... 即係學戒尿片要用嘅嘢就預備好晒，雋雋D嘢估佢唔到，好多時突然間好快又學識，所以都要有嘢旁身至得 ....

今日朝早見佢作POOPOO，問佢係唔係，雋雋點頭，(有時係假GA .... HAHA...)，再問佢要唔要POTTY，佢又話YES，咁就畀佢試一次，就係咁，成功咗!!!

WEEWEE埋，不過清潔完又突然WEEWEE，地下濕晒啦，不過唔緊要，都預咗係咁，今次係好開始，自古成功在嘗試，失敗好多次之後總會成功嗎 ...

畀心機呀雋雋!!

2010年8月27日星期五

單拖雋雋去游水 ....

思前想後、一直想做又驚有難度 ....

今晚雋爸不在，因為係HA GERI.每月例會，所以雋媽膽粗粗自己一個帶囝落會所游水 ....

驚，係因為佢正直扭眼瞓時段 .... 有乜事，又係自己一個受晒 ....

再驚，係更衣室內好濕滑，雋雋實在太活潑，四圍走。上次去游都係雋爸媽輪流照顧雋雋，一個攪掂晒就接力再睇囝，今次就怕自己攪唔掂 .... 不過最怕都係雋雋跌親.....

結果 .... 又成功咗，一切安好，只係媽媽自己得返半條人命，累爆仲要抱住雋雋返屋企、再加煮飯、餵飯、沖涼 .....

不過好開心，同埋以後會好放心咁自己單拖帶雋雋去游多D水 .... 因為雋雋好鐘意玩水呀 ^^

今日都係一個值得記低嘅日子，就係雋雋唔駛再用奶咀瞓覺已經一個月 ....

其實雋雋都算幾乖嘞，727 .... 媽媽以前成日同佢講奶咀係用到18個月咋，之後唔會再用，咁頭2-3日瞓覺前都有提起，到第6-7日其實都已經冇再提，瞓前都係有D掙扎，換嚟係要媽媽攬住 / 唱歌 ....

不過陪佢瞓著再走開，總好過第時大個囝仲要咬住奶咀瞓覺為好係咪??

真係好怕D小朋友2、3、4歲咁大，甚至唔係瞓覺都要咬住奶咀，我唔想雋雋咁 .... 唔靚仔呀 ....

奶咀，由雋雋10個月大開始，一直陪咗佢都有8-9個月 ....

其實兩、三個星期前雋媽都已經將佢哋封存晒嘞 .... 係時間正式講再見 ....

雋雋，媽媽多謝您嘅合作，希望你愈來愈叻，可以唔駛媽媽陪都可以自己瞓著就更叻!!! 加油!!

2010年8月14日星期六

Toys Library + 維園 + 和三味

隨著812嘅過去，雋雋12堂Anfield summer camp就咁就完結，除咗要同剛剛混熟晒嘅同學仔晴晴、Jonah、Ivan講再見 (連雋媽都有d唔捨得晴晴媽媽同Jonah媽媽 .... 佢哋一個返耀中，一個就上Anfield Nursery .... 不過將來一定會再一齊約出嚟見面!!!)，同樣 ... 亦都要同Teacher Uma 講再見 ....

相信可見嘅將來都唔會再見到Teacher Uma 嘞，因為o係Anfield教足10年嘅佢話好攰、要take a long break!!! 原來佢6月已經向學校遞咗辭職信，只係學校想佢教埋呢個summer camp先正式收山 .... 所以每一堂Teacher Uma 都話雋雋呢一班係好幸運嘅一班，因為係佢最後一班o係Anfield任教嘅班 ^^ ....

冇錯，唔單止幸運，亦係感恩，因為Teacher Uma 真係一位好好又有經驗嘅老師，又有耐性，而且教咁細個小朋友好有辦法，因為係下午班比較少學生，佢可以每個學生都用多d時間去教同埋觀察，然後將佢察覺嘅問題話畀家長聽，又會教你用乜嘢方法去改善同埋提高小朋友嘅專注力 .... 所以我同Jonah媽媽都好鐘意Teacher Uma ....

新一季9月開課，今次只報星期六上晝班一堂，想下晝少d人，不過時間真係唔係幾好用，所以都迫住要咁揀，星期三另外報咗ArtPlay，所以只報一堂playgroup .... 希望雋雋同媽媽都可以適應到咁多同學 + 媽媽/姐姐 + 新老師，仲有係要咁早起身去返學 ^^ ....

Teacher Uma 之前同雋媽提及過HKCL Toys Library 係一個非常適合小朋友去嘅地方，超級多玩具可以借嚟玩，地方ok，有人流限制，而且免費，鐘意玩完出去睇書又得，所以雋媽都聽Teacher Uma 介紹去玩一次 ....

場內又係唔畀影相 .... 門前留影算吧啦 ....

雋雋坐車唔肯瞓，去到都成隻懵豬豬咁，不過一入到去見到咁多玩具同小朋友，兩眼即時放光，自己周圍走去揾嘢玩，頭也不回望吓雋爸媽 ....

坐o係隔離一對小兄弟及媽媽，好好人，媽媽又教得好，o個哥哥主動教雋雋點玩佢套玩具車，弟弟之前話唔鐘意同陌生人玩，雋媽叫雋雋都share玩具同o個弟弟玩，後來個弟弟都share佢自己嘅玩具畀雋雋，玩玩吓 .... 3個大中小男孩一齊玩，雋爸媽見到都好開心 ....

覺得雋雋返咗playgroup後真係大個咗，同埋會識得同人哋玩、學sharing、學tidy up .... 要知道佢成日o係屋企都係對住雋爸媽婆，所以有時都驚佢唔識同人哋相處，又怕佢變小霸王唔識分享呀 ..... 出去見多d人，係會好一d ...

好得，佢都唔怕醜，成日周圍撩人哋玩 ....