27.08.2011
第一次去帶雋雋去濕地公園 ....
熱到暈，先去室內玩一陣、涼涼冷氣 ....
兩個導賞員望住我地好耐，最後忍唔住走過嚟話介紹部份植物畀我地認識 ....
見佢地烈日當空想為市民服務，但又冇人畀佢地導賞，所以都應佢地所求，自己又當學多D啦 .... THX!
其實去到正值雋雋NAP TIME，眼瞓到暈，又熱又晒，好得推埋BB車，如果唔係就要抱住佢瞓，所以行行吓導賞員都知係時候要走，冇再介紹落去嘞 ....
冇風又焗 ....熱到相都唔多想影 ....
好快行大半圈，未去睇紅樹林就決定要走，因為連大人都覺得辛苦 .... 媽媽係差D暈，行到腳軟，唔講得笑 ....
一返到出荔枝角就微雨，上到樓就滂沱大雨，感謝神，唔駛O係濕地公園淋雨變落湯雞 :P
沒有留言:
張貼留言