雋雋高咗好多，98cm嘞，之前嘅幼兒三輪車已經唔適合佢踩 ....
@April, 2010
(好掛住您呢個BB樣呀!!!)
買咗新三輪車都有幾個月，不過都好少踩，因為有人懶唔多願踩，又或者只限屋內單腳踩 ....
冇錯係單腳，唔知點解講極、再加媽媽示範 (係呀，媽媽可以踩到呢架車 :P)，都係只用一隻腳，另一隻會半天吊，SO FUNNY!!! ^0^
所以只去過一次平台踩，不過都唔想郁呀 ....
已經係8月頭嘅事，睇佢萬般不情願 .... 但轉過頭返到屋企又踩踩踩 ....
小時唔愛SLIDE，宜家大個囝咗，已經會自己擒上擒落嘞 .... 都開心，起碼去到遊樂場唔再只係一味揾DRIVING WHEEL玩 ....
其實你都係兩歲零八個月大，可能架車對你嚟講都係偏重同大架，希望你慢慢適應又可以踩得到啦 .....
媽媽由日本訂咗個得意頭盔畀雋雋，希望呢個平日唔睇路又橫衝直撞嘅囝好快用得著，加油畀心機快D學識踩單車，會好開心GA!!!
(雖然媽媽唔識踩單車，但都記得小時候踩三輪車好開心，可以踩住周圍去，阿囝學識，將來都記得要載媽媽一程呀!! ^^)
沒有留言:
張貼留言