有時食幾啖又唔自己食 ....
有時食得太慢又貪玩撥到周圍都係 ...
有時就食一碗又放棄 ....
今晚好開心，因為雋雋自己食完兩碗飯 .... 當然雋媽都有從旁協助吓教佢揸匙羹，不過今餐真係佢自己可以食完晒所有飯，好大進步呀 ....
起碼，雋爸媽知道雋雋您唔係懶、唔係貪玩，亦都唔會冇興趣食嘢 .....
希望你繼續進步 ...
自己食會dirty d，不過都預咗，係學習同成長過程，宜家自己o係屋企食多d，遲d出街都要學習自己餵食嘞 ....
重要，坐定定食，雋爸媽講明一定唔會揸住飯碗追細路食飯，要食就正經食，唔食就係自己放棄、餓一餐半餐亦唔會有大礙 .... 總之，從小就要有規有舉啦 ....
題外話，阿囝有進步，雋媽自己都要揾d嘢進步吓，就算無無謂謂都好嗎 haha ....
就係影相 ... 雋媽好耐之前同自己講要學習用單反機影相時唔好單起隻眼 ....
一來防更多皺紋出現啦 .... 成日咁單法，唔多好 ....
二來係要專注d，因為當自己可以唔駛單起對眼而又可以對好焦點、又影到幅好嘅相，其實即係自己夠集中，另一隻眼冇受其他景觀影響 ....
宜家，都練得差唔多嘞，未必張張都影得最好，不過 ... 已經習慣唔駛再單起另一隻眼去影相嘞 ....
另一樣係，忍口咗，同自己講咗幾年要戒食刺生，特別係三文魚，經常失敗，當然啦，一向都鐘意食，不過又知道超級多多多寄生蟲，三文魚刺生更甚，懷孕期同BF期間都有偷食過好多次ga，不過每次食一兩片就收口囉 ....
不過每次去到日本，就更加c ... 因為又平又新鮮，次次都偷食幾片啦，不過今年真係收心養性同自己講唔好再食嘞，雖然咁樣食日本菜會少咗好多樂趣，不過實在太得人驚，所以都要放棄，為防阿囝見到第時又要食，所以最好o係佢面前唔食 ....
日本人唔興食三文魚sashimi ga，食都係食其他劍魚、池魚、吞拿魚sashimi，所以o係超市好少見有三文魚刺生賣囉 ....
同自己講，去日本，只可食幾片刺生，仲要係唔可以係三文魚，o係香港，每日繼續努力忍口 ....
雋媽相信，總有一日可以忘記你 .... ^^
