開心見到你又聽得到你 ....
要大家一齊畀心機呀!!!
LOVE U!!! ^^
2011年11月16日 星期三
雋雋K1有著落 ....
經過幾個月嘅折騰 ....
每次出戰前後又驚呢樣、驚個樣 ....
又要預備好自己同雋雋嘅心情及表現 .....
跟住又要等 ....
感謝天父 ....
及大家嘅代禱及幫忙 ....
雋雋2012年K1有著落嘞 ....
KV .... 雋爸媽一直嘅首選!!!!!!
收咗雋雋，仲係想要嘅上午班 ....
16-11-2011之後 ....
其他得與唔得或者WAITLIST嘅都唔再重要 .....
剩餘幾間INTERVIEWS都唔去嘞 ....
剩餘幾間INTERVIEWS都唔去嘞 ....
最重要及覺得最好嘅已在手，唔駛再擔心，唔駛浪費$$去留位，我哋亦唔需要阻住其他人嘅學位 .....
希望您會讀得好又讀得開心，就如其他朋友囝囡及以前媽媽的學生一樣，要好好珍惜及畀心機呀!!!
因為係8000幾份一嘅機會，真係一額汗!!
但其實雋雋當日表現都幾好，起碼冇之前去部份學校咁十問九唔應又掛住玩車 ....
呢間，真係全程有問有答有好表現 .... 心情上佳，絕對係神蹟!!
但其實雋雋當日表現都幾好，起碼冇之前去部份學校咁十問九唔應又掛住玩車 ....
呢間，真係全程有問有答有好表現 .... 心情上佳，絕對係神蹟!!
再一次感謝!! 好感恩!!! ^^
*************************************
雋爸媽本身已鐘意呢間學校 ，但經過一輪報名及面試大作戰後，更加喜歡!! 好好又抵讀之餘，我鐘意佢唔查人家宅同學歷。
佢張報名表係最簡單嘅!!!
唔係雋爸媽學歷或者工作有乜唔見得人，而係唔鐘意出面有部份學校要人小、中、大學、到工作都填到一清二楚，其實要問小中學歷，都知道學校係會考慮將來小朋友派位啦 .... 睇職業同住址嘅更差!!!
我哋唔鐘意呢D，好白鴿眼!!! 就算讀到將來都想噴火 ....
讀書就係讀書，應該係跟學生嘅表現及能力 ....
呢個年代加變咗質嘅教育制度，真係無話可說 ....
連父母都會覺得辛苦 ><
*************************************
雋爸媽本身已鐘意呢間學校 ，但經過一輪報名及面試大作戰後，更加喜歡!! 好好又抵讀之餘，我鐘意佢唔查人家宅同學歷。
佢張報名表係最簡單嘅!!!
唔係雋爸媽學歷或者工作有乜唔見得人，而係唔鐘意出面有部份學校要人小、中、大學、到工作都填到一清二楚，其實要問小中學歷，都知道學校係會考慮將來小朋友派位啦 .... 睇職業同住址嘅更差!!!
我哋唔鐘意呢D，好白鴿眼!!! 就算讀到將來都想噴火 ....
讀書就係讀書，應該係跟學生嘅表現及能力 ....
呢個年代加變咗質嘅教育制度，真係無話可說 ....
連父母都會覺得辛苦 ><
2011年10月1日 星期六
2011年9月27日 星期二
27.08.2011@Wet Land Park
27.08.2011
第一次去帶雋雋去濕地公園 ....
熱到暈，先去室內玩一陣、涼涼冷氣 ....
兩個導賞員望住我地好耐，最後忍唔住走過嚟話介紹部份植物畀我地認識 ....
見佢地烈日當空想為市民服務，但又冇人畀佢地導賞，所以都應佢地所求，自己又當學多D啦 .... THX!
其實去到正值雋雋NAP TIME，眼瞓到暈，又熱又晒，好得推埋BB車，如果唔係就要抱住佢瞓，所以行行吓導賞員都知係時候要走，冇再介紹落去嘞 ....
冇風又焗 ....熱到相都唔多想影 ....
好快行大半圈，未去睇紅樹林就決定要走，因為連大人都覺得辛苦 .... 媽媽係差D暈，行到腳軟，唔講得笑 ....
一返到出荔枝角就微雨，上到樓就滂沱大雨，感謝神，唔駛O係濕地公園淋雨變落湯雞 :P
NEW BIKE .....
雋雋高咗好多，98cm嘞，之前嘅幼兒三輪車已經唔適合佢踩 ....
@April, 2010
(好掛住您呢個BB樣呀!!!)
買咗新三輪車都有幾個月，不過都好少踩，因為有人懶唔多願踩，又或者只限屋內單腳踩 ....
冇錯係單腳，唔知點解講極、再加媽媽示範 (係呀，媽媽可以踩到呢架車 :P)，都係只用一隻腳，另一隻會半天吊，SO FUNNY!!! ^0^
所以只去過一次平台踩，不過都唔想郁呀 ....
已經係8月頭嘅事，睇佢萬般不情願 .... 但轉過頭返到屋企又踩踩踩 ....
小時唔愛SLIDE，宜家大個囝咗，已經會自己擒上擒落嘞 .... 都開心，起碼去到遊樂場唔再只係一味揾DRIVING WHEEL玩 ....
其實你都係兩歲零八個月大，可能架車對你嚟講都係偏重同大架，希望你慢慢適應又可以踩得到啦 .....
媽媽由日本訂咗個得意頭盔畀雋雋，希望呢個平日唔睇路又橫衝直撞嘅囝好快用得著，加油畀心機快D學識踩單車，會好開心GA!!!
(雖然媽媽唔識踩單車，但都記得小時候踩三輪車好開心，可以踩住周圍去，阿囝學識，將來都記得要載媽媽一程呀!! ^^)
07.08.2011 Visit Ethan
07.08.2011 終於抽到時間去探小王子 ....
王子熹 Ethan ....
不經不覺三個幾月大嘞 ....
髮型樣貌同爸爸及爺爺到模一樣 ....
不過漏低咗KAT媽媽，唔記得同佢影相 ....
祝小王子快高長大、身體健康又乖乖 ....
探訪當日加新居入伙幾日，喜上加喜，恭喜晒!!
02.07.2011@中山紀念公園
繼媽媽大肚相之後，UNCLE BOOGIE又幫雋雋影一輯相，今次去咗新開冇幾耐又幾靚嘅中山紀念公園 ....
7月份超級熱嘅一日 ....
去AMY'S KITCHEN下午茶完就出發 .....
不過呢個小朋友去到都仍然係要食 .... 食最愛嘅水果 ....
大人熱到爆炸，但小朋友呢 .... 完全無阻佢食嘅意慾 ....
又攪攪震，好驚整壞BOOGIE部機冇$$賠呀 ><
雋雋影嘅SNAPSHOT ....
唔知幾時有相睇??
每次都係佢揾我、我唔得閒 .... 我揾佢、到佢又唔得閒 .....
我又唔想催BOOGIE，因為真係知佢多攪作嗎 ....
希望 .... 2011完結前會有 :P
25.06.2011 AWANA結業禮@Spring Church
AWANA 是一個國際性、非宗派，並以教導聖經信息為主的青少年組織。
AWANA 的意思是" Approved workmen are not ashamed"，
中文為「作無愧的工人」 ( 提後 2：15) 。
AWANA 的目標是以基督的福音接觸小朋友 ， 並訓練他們事奉神，成為合用的工人。
AWANA 聚會活動主要為背誦聖經、集體遊戲及信息傳講，旨在透過多元化的活動，使小孩身心得以健康成長。
AWANA 聚會活動主要為背誦聖經、集體遊戲及信息傳講，旨在透過多元化的活動，使小孩身心得以健康成長。
***************************************************************************************
去年植堂到泉福後，雋雋未夠歲數，一直都未可以參加AWANA兒童主日課程 .....
一直到今年三月，多謝黃師母及容師母安排，雋雋終於可以入隊 ....
(聽師母講其實好多人正輪侯入隊，而且PUGGLES本身已經好多人，所以初時都話未必可以參加 ....)
25.06.2011 -- 泉福堂第二年AWANA NIGHT，屬於各學員嘅畢業禮、同時加許傑出學員及多謝各位導師 ....
PUGGLES 雖然年紀小，不過是晚都要獻唱，詩歌係「我要向高山舉目」....
雋雋日日煲讚美之泉DVD，其實早就唱到又做到手勢，但每次練習時總會臨場扮失憶又唔多合作，而且PUGGLES年紀最小但竟然安排到最後，其實好多小朋友已經好攰，所以雋雋都係上台發癲大喊，係後半部份叫冷靜咗有唱少少囉 .... 滴汗 >.<
泉福AWANA團隊：PUGGLES, CUBBIES, SPARKS, TRUTH & TRAINING, 及各位導師
PUGGLES合照 + 出席襟章 .... 還有teacher Deborah為學員做的書籤 ....
多謝各位導師嘅教導、愛及幫助 .....
2010-2011年度季尾先入隊，未畢業，不過都有一張CERT. ....
其實都算好，返咗幾堂已經可以自己返，當然有攪攪震坐唔定時候，不過導師話都OK ....
由於未上K1，雋雋2011-12都會繼續留o係PUGGLES，都好，好似容師母話多讀一年就更適應、又可以加深記憶啦!
希望您從中得著更多，愛神愛人，學習更多神話語，作一個無愧的工人 ....
P.S. 今年度開始咗幾堂，雋爸媽各陪上過一堂，跟住自己返，導師話畀暑假前坐定咗好多，大個囝，繼續努力又乖乖，等媽媽可以安心去崇拜呀!!
09.05.2011 上契
爛尾到唔知邊件打邊一件事 ....
要再努力一D ....
09.05.2011@The Cafe, Sheraton
Connie 得意囡囡Heidi ....
似足爸爸方中SIR .... so cute!!!
適逢Heidi半歲生日，要上契 ....
兩個媽媽係音樂系時相識嘅好朋友，一齊上莊，時時出去同其他院校同學仔開會攪活動，choir又一齊坐一齊唱再一齊做committee，PE堂又一齊晒太極，生日都係差幾日 ....
更重要，Aaden & Heidi 都係1月29日出世@浸會醫院 .... 只相差兩年 .... ^0^
呢D組合好難得，就畀兩個媽媽同小朋友親上加親啦 ..... ^_^
簡簡單單兩家食一餐，開心就可以嘞!
多個囡錫、
又可以滿足自己鐘意買囡衫同飾物嘅慾望 .....
太好!!! ^0^
希望Aaden都會好愛錫你呢個妹妹，又會孝順同樣愛錫Aaden嘅契爸爸媽媽 ....
訂閱：
文章 (Atom)